Хорижга ишга юборишни ваъда қилган фирибгарлар ушландилар
88
Бош прокуратура ҳузуридаги Департаментнинг Чилонзор туман бўлими томонидан ДХХ ходимлари билан ҳамкорликда ўтказилган тезкор тадбирда, фуқаро М.Т. фуқаро О.Х.нинг ишончига кириб, унга юқори лавозимда ишловчи танишлари ёрдамида Польша давлатига ишга юбориши эвазига 5 100 АҚШ долларини олган вақтида ашёвий далиллар билан ушланган. Шу каби, Департамент ҳамда ДХХнинг Жиззах вилояти бошқармалари томонидан ўтказилган тезкор тадбирда, фуқаро А.Р. фуқаро М.К. ва унинг турмуш ўртоғи В.А.ни Бирлашган Араб Амирлигининг Дубай шаҳрига ишга юбориш эвазига 1 200 АҚШ долларини олган вақтида ушланган.
Департамент ҳамда ДХХнинг Сирдарё вилояти бошқармалари томонидан ўтказилган тезкор тадбирда эса, фуқаро Р.И. фуқаро А.С.ни танишлари ёрдамида 2 000 АҚШ доллари эвазига Эстония Республикасига ишга юборишни ваъда қилиб, шундан 1 100 АҚШ долларини олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.