Валюта қимматликларининг ноқонуний муомалага киритилишининг олди олинди
50
Бош прокуратура ҳузуридаги Департаментнинг Хонобод шаҳар бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда, валюта айирбошлаш билан шуғулланиб келган У.У. фуқаро М.А.га жами 5 000 АҚШ долларини 57,2 млн сўмга сотган вақтида ашёвий далиллар билан ушланган.Департаментнинг Андижон вилоят бошқармаси томонидан ИИБ ЖҚБ ходимлари билан ҳамкорликда Андижон шаҳрида ўтказилган тезкор тадбирда, валюта айирбошлаш билан шуғулланиб келган Т.З. ва А.К. фуқаро З.Д.га жами 3 600 АҚШ долларини 41,2 млн сўмга сотган вақтларида ашёвий далиллар билан ушланганлар.
Шу каби, Департаментнинг Қарши шаҳар бўлими томонидан ИИБ ходимлари билан ҳамкорлигида ўтказилган тезкор тадбирда, валюта айирбошлаш билан шуғулланиб келган А.А. фуқаро А.Б.га жами 3 500 АҚШ долларини 40,1 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.