“Ўзбекистон Республикасида жиноий фаолиятдан олинган даромадларни легаллаштириш ва терроризмни молиялаштириш хавфларни миллий даражада баҳолашнинг натижалари” мавзусида вебинар ўтказилди
11 июнь куни Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш Департаменти томонидан Бош прокуратура Академияси ҳамда Европа хавфсизлик ва ҳамкорлик Ташкилотининг Тошкентдаги ваколатхонаси билан ҳамкорликда жиноий фаолиятдан олинган даромадларни легаллаштиришга ва терроризмни молиялаштириш миллий тизимига жалб қилинган вазирлик ва идоралар вакиллари учун “Ўзбекистон Республикасида жиноий фаолиятдан олинган даромадларни легаллаштириш ва терроризмни молиялаштириш хавфларни миллий даражада баҳолашнинг натижалари” мавзусида навбатдаги вебинар (“Zoom” конференция шаклида) ўтказилди.
Вебинарда Марказий банк, Молия вазирлиги, Адлия вазирлиги, Ахборот технологиялари ва коммуникацияларини ривожлантириш вазирлиги, Ўзбекистон Республикаси Президенти ҳузуридаги Лойиҳа бошқаруви миллий агентлиги, Давлат активларини бошқариш агентлиги, Капитал бозорини ривожлантириш агентлиги, Суғурта бозорини ривожлантириш агентлиги, Давлат асиллик даражасини белгилаш палатаси, Ахборотлаштириш ва телекоммуникация технологиялари соҳасида назорат бўйича давлат инспекция, Саноат хавфсизлиги давлат қўмитаси ходимлари иштирок этишди.